Friday, April 27, 2007



قاراقان گونبزلری

"اٶيره نــجـــی". سايی 11. صفحه 52. ايکی ده يه رلی اثرين تانيتيمی قاراقان گونبزلری
آيدين قاراقانلی

"قاراقان گونبزلری يوکسک سوييه ده کرپيجله ايشله نه ن چوخ ده يه رلی بديعی اثرلردندير. قزوين استانيندا، همدان جادده سی اوزه رينده اولان آبگرم (ايستى سو) شهه رينين ياخينليغيندا اولان ايکی ده يه رلی گونبز تيکينتيسی، سلجوقلار زمانيندان يادگار قويولوبدور. بو ايکی گونبزين آدی قاراقان گونبزلری يا دا قوشا ايمامزاده دير. بو بؤلگه نين اصيل و بومی آدی قاراقان`دير. منجه قاراقانلار ائله قاراخان تورکلريندن اولموشلار و قاراخانليلار باشقا بؤلگه لرده اٶرنه ك اوچون : زنگانلا ميانا آراسيندا قاراقانلولار (قره قانلو) و يا تبريزه ياخين و باشقا يئرلرده يئرله شميشلر. آنجاق بيزيم بٶلگه ده كى قاراقان يعنى ساوا٫ قزوين٫ زنگان و همدان آراسينداكى قاراقاندا٫ قارخان سٶزو زامان گئچديكجه ساده له شيب "خ" حرفى "ق" حرفينه دٶنوشموش٫ قارخان و قاراقان اولاراق تلففوظ ائديلير..... بو بؤلگه ده بوتونلوکله تورک لر ياشاييب و ياشاماقداديرلار. ديللری ده ديل بٶلومونده آزربايجان تورکجه سينده قاراقان لهجه سيدير. البته قاراقان لهجه سى همدان٫ قزوين٫ زنگان و ساوا لهجه سيديرآنجاق تاسسوفلرله دئمه لييه م اٶزه لليكله خريطه اوستونده (نقشه) قاراقان يئرينه خرقان يازميشلار.....

قارااقان گونبزلرينين تيکيلدييی ايل بللی دئييلدير. آمما گونبزلرين دوزه ليشی-تعميری- 460 -487-جی قمری ايللری گؤسته رير. قاراقان گونبزلری سکگيز گوشه دير. ايتالياليلار 1347-جی گونش ايلينده اوچموش گونبزلرين بير حيصصه سينی تعمير ائديبلر. گونبزلرين ائشيک گٶرونتوسو کرپيجله ايشله نيب بيچيلمه سينه باخماياراق گونبزلرين چوخ گؤزه ل بير گورونتوسو واردير. گونبزلري اينشا ائده ن شخصين آدی گونبزين شرق طرفينده بئله يازيليب: گونبزلرين مئعمار محممد بين مکر زنجانی`دير. ائشترنين عقيده سينه گؤره بو ايکی گونبز مليک شاه سلجوقی`نين ايکی سردارينين قبيرلریدير. اونلارين بيرينين آدی ابو سعيد بيجار سعد اوغلو، او بيريسينين آدی ايسه ابو منصور ايلتايتی تکين اوغلو`دور. گونبزلرين ايچ گؤرونتوسو بونلاردان عيبارتدير: فرسک ناخيشلی قنديل گؤرونتوسو ايله طاووس، باليق، قوش (ترلان)، نار آغاجی، سکگيز آياقلی اولدوز و کوفی خططی ايله يازيلميش بير کتيبه...."

0 Comments:

Post a Comment

<< Home